ما بتشبه مني حاجة..
واختلاف أطيافنا ظاهر..
إلا قلبي طلب ودادك..
وصدفة عاد بالريدة ظافر
إنت حبيتني بطريقتك..
وقلبي فيك من يومو سادر..
جوّة قلبك (كالكوليتر)..
بيهو تحسب حلم باكر..
منضبط في لون غرامك..
وواقع احساسك مغاير..
كاتم الشوق في الحنايا..
وحتي لو يوم جيتنا زائر
لا بتعبر عن هيامك لا..
بتهمس.. لا بتجاهر..
ورغم إنك يا حبيبي..
شيخنا في علم الضمائر..
بس ضميرك في غرامنا.. نام..
وطرف أشواقي ساهر..
ويااا محير كل حواسي..
هل بتفهم معنى: (حائر)؟؟!!
د(اليا)س
